- ஹூண்டாய் சமீபத்தில் வெர்னா கார்களை திரும்பப் பெற்றது
- ஹூண்டாய் காரை இலவசமாக சரிபார்த்து பழுதுபார்க்கும்
இந்தியாவில் தற்போது பயன்பாட்டில் உள்ள ப்ரீ-ஃபேஸ்லிஃப்ட் க்ரெட்டா ஐவிடீ வேரியன்ட்டை ஹூண்டாய் நிறுவனம் திரும்பப் பெறுகிறது. இந்த அப்டேட் சிறிது நேரத்திற்கு முன்பு வந்த நிலையில், அதற்கு முன் வெர்னா செடானில் உள்ள இஓபீ (எலக்ட்ரானிக் ஆயில் பம்ப்) கன்ட்ரோலரில் ஏற்பட்ட பிரச்சனை காரணமாக பிராண்ட் அவற்றை திரும்பப் பெற்றது.
மேலும் க்ரெட்டாவைப் பொறுத்தவரை, ஐவிடீ (சிவிடீ என்றும் அழைக்கப்படுகிறது) வேரியன்ட் உள்ள இஓபீ (எலக்ட்ரானிக் ஆயில் பம்ப்) இல் ஏற்பட்ட பிரச்சனை காரணமாக மிட்-சைஸ் எஸ்யுவி திரும்பப் பெறப்பட்டது. நிறுவனம் தற்போது தங்கள் கார்களில் இந்த சிக்கலை எதிர்கொள்ளும் உரிமையாளர்களைத் தொடர்புகொள்வதில் மும்முரமாக உள்ளது.
தற்போது, ஹூண்டாய் நிறுவனம் இந்த பிரச்சனையால் பாதிக்கப்பட்ட கார்களின் எண்ணிக்கையையோ அல்லது திரும்ப அழைக்கப்பட்ட கார்களின் எண்ணிக்கையையோ வெளியிடவில்லை. திரும்ப அழைக்கும் நடவடிக்கையின் ஒரு பகுதியாக, காரை ஆய்வு செய்து, காரில் ஏதேனும் பிரச்னை கண்டறியப்பட்டால், அதன் சேவை இலவசமாக வழங்கப்பட்டு, பிரச்னை சரி செய்யப்படும். இவ்வாறு அதில் கூறப்பட்டுள்ளது. மேலும், வாடிக்கையாளர்கள் தங்கள் காரைத் திரும்பப் பெற அல்லது காரைச் சரிபார்ப்பதற்கு அருகிலுள்ள அங்கீகரிக்கப்பட்ட சேவை நிலையத்தைத் தொடர்பு கொள்ள வேண்டும் என்று நிறுவனம் தெரிவித்துள்ளது. கடந்த மாதம், இதே பிரச்சனையால் கியா 4,000 செல்டோஸ்களை திரும்பப் பெற்றது.
மொழிபெயர்த்தவர்: ஐசக் தீபன்
