- இது புதிய ஹெட்லேம்ப்ஸ் மற்றும் டெயில்லைட்ஸைப் பெறும்
- 2025 ஆம் ஆண்டின் தொடக்கத்தில் லான்ச் செய்யப்படும் என்று எதிர்பார்க்கப்படுகிறது
கியா அதன் என்ட்ரி லெவல் எம்பீவி கேரன்ஸின் ஃபேஸ்லிஃப்ட் வெர்ஷனில் வேலை செய்கிறது. இந்த மூன்று வரிசை காரின் ப்ரொடக்ஷன் ரெடி மாடல் தென் கொரியாவில் சோதனையின் போது காணப்பட்டது, இது முற்றிலும் மூடப்பட்டிருந்தது. இது 2025 ஆம் ஆண்டின் தொடக்கத்தில் இந்திய சந்தையில் அறிமுகப்படுத்தப்படும் என்று எதிர்பார்க்கப்படுகிறது.
ஸ்பை படங்களில் காணப்படுவது போல், கேரன்ஸ் ஃபேஸ்லிஃப்ட் முன்புறத்தில் மறுவடிவமைப்பு செய்யப்பட்ட ஹெட்லேம்ப்ஸ் மற்றும் கவர்ச்சிகரமான எல்இடி டிஆர்எல்களுடன் புதிய தோற்றத்தைப் பெறும். அதன் தோற்றத்தில், எல்இடி சன்ரூஃப் மற்றும் ஸ்போர்ட்ஸ் ஹாலோஜென் ஹெட்லேம்ப்ஸ் இல்லாததால் இது லோயர் வேரியன்டாகத் தெரிகிறது.
சைட் ப்ரோஃபைல் பற்றி பேசுகையில், இது கருப்பு நிற துணியால் மூடப்பட்டிருக்கும், அதில் அதிக மாற்றம் தெரியவில்லை, அதாவது அதிக மாற்றம் செய்யப்படாது என்று எதிர்பார்க்கப்படுகிறது. ரியர் சிறப்பம்சங்களில் புதிதாக வடிவமைக்கப்பட்ட தலைகீழான-எல்-வடிவ எல்இடி டெயில்லேம்ப்ஸ், ஷார்க்-ஃபின் ஆண்டெனா மற்றும் ரூஃப் ரெயில்ஸ் ஆகியவை அடங்கும்.
கியா கேரன்ஸ் லெவல் 2 ஏடாஸ், 360 டிகிரி சரவுண்ட் கேமரா, ஃப்ரண்ட் வென்டிலேடெட் சீட்ஸ், பவர்ட் டிரைவர் சீட், டூயல் ஜோன் க்ளைமேட் கன்ட்ரோல், இன்ஃபோடெயின்மென்ட் மற்றும் இன்ஸ்ட்ரூமென்ட் பேனலுக்கான டூயல் ஸ்கிரீன், ஆம்பியன்ட் லைட்டிங், வயர்லெஸ் சார்ஜர் மற்றும் எலக்ட்ரிக் சன்ரூஃப் போன்ற அம்சங்களைப் பெறும்.
இன்ஜின் விருப்பங்களைப் பொறுத்த வரை, தற்போதுள்ள இன்ஜின் விருப்பங்களில் கியா எந்த மாற்றத்தையும் செய்யாது என்று எதிர்பார்க்கிறோம். அறிமுகப்படுத்தப்பட்டதும், கேரன்ஸ் ஃபேஸ்லிஃப்ட் எம்பீவி ஆனது மாருதி சுஸுகி எர்டிகா, மாருதி சுஸுகி XL6, மஹிந்திரா மராஸ்ஸோ மற்றும் டொயோட்டா இனோவா க்ரிஸ்டா போன்றவற்றுடன் போட்டியிடும்.
மொழிபெயர்த்தவர்: ஐசக் தீபன்