జీప్ రాంగ్లర్ పై రూ. 2 లక్షలకు పైగా అమాంతం పెరిగిన ధరలు..!

• అందుబాటులో 2 వేరియంట్స్
• రూ. 62.65 లక్షలు(ఎక్స్-షోరూమ్)తో ధరలు ప్రారంభం.

జీప్ ఇండియా దేశంలో రాంగ్లర్ ఆఫ్-రోడర్ ధరలను అప్‌డేట్ చేసింది. ఈ జీప్ రాంగ్లర్ లో  అన్‌లిమిటెడ్ మరియు రూబికాన్ అనే రెండు వేరియంట్స్  అందుబాటులో ఉన్నాయి. తాజాగా ధరలు పెరగడంతో లైఫ్ స్టైల్ వెహికల్ పై  రూ. 2 లక్షలు వరకు ధరలు పెరగనున్నాయి.

రాంగ్లర్ లో ఎంట్రీ-లెవల్ అన్‌లిమిటెడ్ వేరియంట్ ధర ఇప్పుడు రూ. 62.65 లక్షలుగా ఉంది. అదే విధంగా, టాప్-స్పెక్ రూబికాన్ ట్రిమ్ రూ. 66.65 లక్షలు ధర (అన్నిధరలు, ఎక్స్-షోరూమ్)ట్యాగ్‌లో అందుబాటులో ఉంది.

మెకానికల్‍గా, జీప్ రాంగ్లర్ 8-స్పీడ్ టార్క్ కన్వర్టర్ యూనిట్‌తో జతచేయబడి 2.0-లీటర్ టర్బో పెట్రోల్ ఇంజిన్‌తో వస్తుంది.ఈ పెట్రోల్ మోటార్ 268bhp మరియు 400Nm మాక్సిమమ్ టార్క్ ఉత్పత్తి చేసేలా ట్యూన్ చేయబడింది.అంతేకాకుండా అన్నీ రేంజ్ లలో ఏడబ్ల్యూడీ సిస్టం స్టాండర్డ్ గా ఉండనుంది. ఇతర వార్తలలో చూస్తే, ఈ అమెరికన్ ఆటోమేకర్ ఇటీవల భారతదేశంలో కంపాస్ ఎస్‌యువిలో కొత్త 2డబ్ల్యూడీ డీజిల్ ఆటోమేటిక్ వేరియంట్‌ను పరిచయం చేసింది.

అనువాదించిన వారు: రాజపుష్ప